Resultados Fin de semana 20 de xullo

CARREIRA POPULAR DE CASTROVERDE

O pasado domingo 20 de xullo tivo lugar na vila de Castroverde a II Edición da Carreira popular da citada vila, na cal tomaron parte cerca de 20 atletas do club, logrando un total de 8 podiums na proba.

As probas comenzarían ca proba de pitufos, proba non competitiva e onde tomaba parte Aldara Ceide, que lograba entrar na primiera posición entre as nenas. Noel Villarábide lograba a victoria na proba alevín, mentras que a súa compañeira de equipo Nerea Lage lograba a segunda posición nas féminas.

Polo que respecta a categoría infantil, María Carballido lograba a primeira posición, mentras que Vanesa Blanco entraba no cuarto posto. Cristian Santos e Adil Loussini lograban a segunda e terceira posición respectivamente, mentras que Angel Martínez acadaba a quinta posición.

Entre os cadetes, Adrián Lage entraba en segunda posición, mentras que na proba xuvenil, Estela Villarábide e  Cristian Montecelo eran os máis fortes e lograban a victoria nas súas probas.

Polo que respecta a proba absoluta, Carmen Expósito entraba en segunda posición na categoría de veteranas C, logrando un novo podium nunha exitosa tempada. Fernán López entraba no posto 15 da xeral (cuarto categoría), Felipe Barata no 22 e Fernando González (cuarto categoría) no posto 73 da xeral.

Sinalar tamén que un bo número de pais dos atletas de menores tomaron parte na andaina non competitiva que conxuntamente a carreira popular organizaba o concello de Castroverde, no que é unha boa noticia para o fomento da práctica deportiva e saudable entre a familia atlética de Friol

Resultados fin de semana 5 de Xullo

CAMPEONATO GALEGO DE 5 KM EN RUTA. POPULAR DE CURTIS.
 O pasado sábado 5 de Xullo disputouse en Curtis o Campeonato Galego de 5 km en ruta, na cal tomou parte a nosa atleta Carmen Expósito, e na cal lograba  unha brillante medalla de prata na categoría de W-55. Ademáis, conxuntamente co Campeonato Galego se disputaba a carreira popular, onde 9 atletas das categorías inferiores tomaban parte na mesma, obtendo un total de 8 podiums nesta proba. Así, na categoría prebenxamín, Aldara Ceide lograba a victoria nesta proba, mentras que a súa compañeira de equipo Nerea Lage conquería a segunda posición na proba alevín femenina. Xa na proba infantil, dominio dos nosos atletas, con Cristian Santos gañando a carreira por diante de Adil Loussini, que ocupaba a segunda posición. Nas nenas, victoria de María Carballido por diante da súa compañeira Vanesa Blanco, que entraba tamén en segunda posición. Adrián Lage gañaba con comodidades a proba cadete. Por úlltimo, Cristian Montecelo tamén se impoñía na proba xuvenil.

Resultados fin de semana do 28 de xuño

CARREIRA OS 21 DO CAMIÑO. MELIDE
 
O pasado sábado 28 de de Xuño se disputou a II Edición da carreira os 21 do Camiño entre as localidades de Palas e Melide, e no cal tomaron parte unha boa represetación de atletas do club, sobre todo na categoría de menores, onde se lograban un total de 9 podiums: 6 primeiros postos e 3 segundos postos.
 
Así, na categoría benxamín, Juan David López Ramos lograba a segunda posición, mentras que na categoría alevín, dominio dos nosos atletas cas victorias de Nerea Lage e Noel Villarábide no apartado femenino e masculino respectivamente.
 
Xa na categoría infantil, o triunfo foi a parar a Cristian Santos, mentras que na proba cadete, Adrián Lage lograba tamén a victoria nesta proba. Entre as féminas da categoría cadete, a victoria iba a parar a Lidia Alvárez. Por último, dominio na categoría xuvenil femenino con Estela Villarábide e Noelia Seoane logrando a primeira e segunda posición respectivamente, mentras que na proba masculina Cristian Montecelo entraba en segunda posición.
 
Polo que respecta a proba absoluta, Suso Rivas lograba a posición 171 da xeral cun crono de 1.41 h, mentras que Ester Mourenza entraba no posto 44 entre as féminas, no que era o seu debut nunha media maratón, cun crono de 2.40 h sobre o duro trazado da proba.

Resultados fin de semana 22 de cuño

CAMPEONATO DE ESPAÑA DE VETERANOS. HUELVA         

  O fin de semana do 21-22 de Xuño disputouse nas pistas de atletismo do Estadio Iberoamericano o Campeonato de España de Veteranos, na cal estivo presente a atleta Carmen Expósito, que tivo unha destacada actuación.         

 Carmen lograba sendos quintos postos, tanto na proba dos 200 metros lisos como na proba dos 400 metros lisos. Na primeira finalizaba cun crono de 28.30 segundos, mentras que na proba da volta ó anillo conquería unha marca de 1.38 minutos. 

CARREIRA POPULAR DE GUITIRIZ          

Tamén un bo número de atletas estivo presente na carreira popular de Guitiriz, onde se lograban un 11 pódiums.       
   Así, na categoría benxamín masculino, a victoria era para David Fariñas, mentras que o seu compañeiro de equipo Jesús Fagil lograba a terceira posición do pódium. Xa na categoría alevín femenina, Vanesa Blanco lograba imporse  na proba, mentras que Ana Villar lograba a terceira posición. Entre os nenos, Noel Villarábide conquería a terceira posición.       
  Polo que respecta a categoría infantil, dominio dos atletas de Friol, xa que tanto María Carballido como Adrián Lage lograban a victoria nas probas masculina e femenina. Adil Loussini entraba na terceira posición entre os nenos.       
  Por último, Lidia Álvarez entraba en terceira posición na  categoría cadete.Xa na proba absoluta, Fernán López lograba a terceira posición na súa categoría de veteranos, mentras que Pilar Cobas tamén conquería idéntica posición na súa categoría.

Resultados Fin de semana 8 de xuño

CAMPEONATO GALEGO BENXAMÍN, ALEVÍN E INFANTIL. VIGO
 
Disputouse o pasado sábado 7 de Xuño o Campeonato Galego de Atletismo para as categorías benxamín, alevín e infantil, na que tomaron parte 7 atletas do noso club, que tiveron unha boa actuación en xeral.
 

Nesta proba se lograba unha medalla de bronce a cargo de Marcos Burgo, na proba dos 3 km marcha, na que invertía un tempo de 17.48 minutos, que constituía ademáis una MMP para o xoven atleta, nunha proba na que demostrou unha gran valentía e decisión a hora de afrontar esta competición.
 
Na proba dos 2 km marcha, Noelia Sánchez lograba a cuarta posición cun crono de 12.24 minutos, mentras que a súa compañeira de equipo Nerea Lage, finalizaba na quinta posición cun crono de 12.29 minutos.
 
Tamén bo resultado na proba dos 3 km marcha femenina, na que Vanesa Blanco lograba a quinta posición final cun crono de 19.31 minutos.
 
Polo que respecta a proba dos 3.000 metros lisos, tanton Cristian Santos como María Carballido finalizaban na sexta posición nas súas respectivas carreiras. Cristian finalizaba cun crono de 11.32 minutos e María 12.08 minutos.
 

Por último, Miguel Ángel Sánchez lograba a séptima posición na proba de lanzamento de disco, cunha marca de 16.85 metros.

 
CORRE CON NÓS. FRIGSA
 
Este domingo 8 se disputou na zona da piscina de Frigsa a última proba dunha nova edición do circuito Corre con Nós, e na cal o club lograba un podium a cargo de Carmen Expósito, que finalizaba na segunda posición na categoría M.
 

A participación do club se completaba con Felipe Barata e Fernando González, que rematan no posto 71 e 368 respectivamente.

Resultados FIn de semana 1 xuño

GRAN PREMIO DE MARCHA LOS CANTONES. A CORUÑA

O pasado sábado 31 de Maio disputouse na cidade de A Coruña o Gran Premio Cantones de Marcha, valedeiro para a Challenge Mundial de Marcha e na cal había presencia de atletas do club nas probas de menores. Boa actuación dos nosos atletas, logrando dous meritorios podiums.

Así, na categoría cadete masculina, victoria do actual campeón galego de 5 km en ruta, xa que Héctor Rodríguez  lograba o triunfo cun crono de 31:02 nos 5 km marcha. Pola súa parte, Nerea Lage lograba a terceira posición na proba dos 2 km marcha alevín, logrando un crono de 12.11, mentras a súa compañeira de equipo lograba rematar na cuarta posición nesta mesma proba cun crono de 12.15. Tamén moi meritoria a cuarta posición na categoría infantil de Vanesa Blanco, que remataba os 3 km marcha cun crono de 19.27 minutos que supón un MMP.

Por último o benxamín Mario Campos finalizaba na sexta posición no 1 km benxamín, finalizando cun crono de 7.20 minutos.

CAMPEONATO GALEGO DE VETERANOS. FERROL

Ferrol foi a sede do Campeonato Galego de Veteranos, onde estiveron presentes tres atletas do club, que tiveron unha destacada actuación, logrando un total de 5 medallas: catro de ouro e un bronce.

Marta Sureda lograba imporse na proba de lanzamento de disco e tamén no lanzamento de peso na categoría de W-40. Na primeira lograba unha marca de 20.73 metros e na segunda alcanzaba unha mellor marca de 7.10 metros.

Outra atleta que tivo unha gran actuación foi Carmen Expósito, que lograba tamén subir o máis alto do podium dúas veces, nos 400 e nos 800 metros lisos.

Por último, María José Molejón lograba unha valiosa medalla de bronce na proba dos 1500 metros W-40, o marcar un crono de 6.49 minutos.
 

5ª XORNADA COPA DIPUTACIÓN DE ATLETISMO. LUGO

Disputouse tamén na xornada do 1 de Xuño a 5ª Xornada da Copa Diputación de Lugo, onde estiveron presentes dous atletas do club, que tiveron unha destacada participación.

Gael Jaúregi lograba unha interesante marca na proba dos 600 metros lisos, parando o crono nun tempo de 1.36 minutos, mentras que Pablo Piñón lograba superar o listón a unha altura de 1.51 metros.

CARREIRA POPULAR “ROTA DO ROMÁNICO”. FERREIRA DE PANTÓN.

O pasado 31 de Maio se disputou en Ferreira de Pantón unha nova edición da carreira popular “Rota do Románico”, na cal tomaron parte cerca de 20 atletas do club, tendo unha destacada actuación, xa que se lograron un total de 11 podiums.

Así, na categoría prebenxamín, destacou o triunfo da atleta Aldara Ceide, que lograba a segunda posición na proba femenina.

Na categoría benxamín, dominio dos atletas do club, xa que David Fariñas e Juan David López Ramos lograban a primeira e segunda posición respectivamente. Polo que se refiere a proba femenina, Leire Santos entraba no tercer posto.

Xa na seguinte categoría, que correspondía os alevíns e infantil de primeiro, o triunfo foi a parar a Cristian Santos, ocupando Samuel Castedo a terceira posición. Entre as nenas, Andrea Fariñas lograba a segunda posición.

Xa na última categoría de menores, Adrián Lage e Tino Villar lograban a segunda e terceira posición respectivamente, mentras que María Carballido entraba na segunda posición entre as féminas.

Por último, Cristian Montecelo lograba a victoria na categoría xuvenil masculino.

Resultados Fin de Semana 25 maio

CAMPEONATO PROVINCIAL DE ATLETISMO. LUGO
 
O pasado día 25 de Maio  disputouse nas pistas Gregorio Pérez Rivera de Lugo o Campeonato Provincial de Atletismo para as categorías benxamín, alevín e infantil, na cal tomaron parte 22 atletas do club, obtendo un gran resultado, xa que os nenos e nenas do equipo lograba un total de 17 podiums. 2 ouros, 7 platas e 8 bronces foi o balance final no que o medalleiro se refiere, pero hai que salientar o gran comportamento de todos os participantes nas distintas disciplinas, mellorando as súas marcas e adquirindo hábitos de comportamento e respeto polo práctica atlética.

As medallas de ouro se conseguían a través de Cristian Santos na proba dos 3.000 metros lisos e de Nerea Lage na proba dos 2 km marcha.

As medallas de prata iban a parar a David Fariñas , por partida doble, nas probas de lanzamento de peso e 500 metros lisos benxamín, a Leire Santos en lanzamento de peso benxamín, Angel Martínez nos 3000 metros lisos, Mario Campos na proba de 1 km marcha benxamín e Marcos Burgo e Vanesa Blanco na proba de 3 km marcha infantil.

Polo que respecta as medallas de bronce, Juan Zas e Noelia Sánchez conquerían ese tercer escalafón do pódium na proba dos 2 km marcha alevín, María Carballido nos 3.000 metros lisos infantil, Miguel Ángel Sánchez na proba de lanzamento de disco, Noel Villarábide na proba dos 2.000 metros lisos alevín, Samuel Castedo nos 60 metros , Alejandro Fernández na proba do salto de altura e Cristian Santos na proba de triple salto

Resultados Fin de semana 18 maio

CAMPEONATO GALEGO CADETE. VILAGARCÍA DE AROSA
     O pasado sábado 17 de Maio disputouse en Vilagarcía de Arosa o Campeonato Galego Cadete, no cal tomaban parte 4 atletas do club, que tiveron unha boa actuación.
Pablo Piñón lograba a 4ª posición na proba de salto de altura, cunha mellor marca de 1.51 metros, quedándose moi perto de lograr subir o pódium.
Gael Jaúregi, pola súa parte finalizaba nunha brillante quinta posición na proba dos 1.000 metros lisos, logrando unha marca de 2.57 minutos.
Pola súa parte, Adrián Lage no seu debut nun evento destas características tamén lograba a quinta posición na proba dos 3.000 metros lisos, cunha marca de 10.22 minutos.
Por último, Héctor Rodríguez non completaba a súa participación na proba dos 5 km marcha, o ser descalificado polos xuíces.

CARREIRA POPULAR DE FRIOL.
      O pasado domingo 18 de Maio se disputou a II Edición da Carreira Popular de Friol, na cal houbo unha nutrida participación de atletas do club como era de esperar nun evento que tratar de fomentar o deporte e o atletismo no ámbito do pobo de Friol. Boa actuación dos nosos atletas na casa, cun total de 23 podiums.


Así, na categoría prebenxamín, Lucía Roca e Aldara Ceide lograban a segunda e terceira posición respectivamente.
Na categoría benxamín femenina, Molly Jane Merchant entraba na terceira posición, mentras que na masculina houbo un triplete local, ocupando David Fariñas, Juan David López e Jesús Fagil as tres primeiras posicións no orden citado.
Xa na categoría alevín, Andrea Fariñas lograba a segunda posición, a mesma que lograría o seu compañeiro de equipo Noel Villarábide na proba masculina. Nesta mesma categoría Samuel Castedo entraba na terceira posición.
Triplete tamén na categoría infantil masculina, con Cristian Santos como gañador e con Adil Loussini e Miguel Ángel Sánchez acompañandos no pódium. Na femenina, victoria para Maria Carballido e segunda posición para Vanesa Blanco.

Tamén houbo triplete na proba cadete, resultando gañador Gael Jaúregi, por diante de Adrián Lage e de Pablo Piñón. Nas nenas, victoria para Ana Varela.
Na categoría xuvenil, Cristian Montecelo e Rubén Ceide firmaban a primeria e segunda posición respectivamente, mentras que entre as féminas, Estela Villarábide e Noelia Seoane tamén ocupaban as dúas primeiras posicións do pódium no orden citado.
Por último, na categoría de veteranas de +55 anos, victoria para Carmen Expósito.

Resultados Fin de semana 11 de maio

2ª PROBA CLASIFICATORIA INFANTIL ATLETISMO EN PISTA. LUGO

Disputouse o pasado domingo 11 a 2ª proba clasificatoria de atletismo en pista do programa Xogade para a categoría infantil.

Os resultados máis destacados foron a victoria de Angel Martínez nos 3.000 metros lisos e a de Miguel Ángel Sánchez na proba de lanzamento de disco.

Pola súa parte, Cristian Santos lograba a segunda posición nos 1000 metros lisos e no triple salto. Marcos Burgo e Vanesa Blanco eran tamén segundos na proba dos 3 km marcha.

Pola súa parte, María Carballido lograba acadar a terceira posición nas probas dos 150 metros lisos e nos lanzamentos de peso e disco. Pola súa parte, Miguel Ángel Sánchez lograba esa mesma posición na proba dos 1.000 metros obstáculos.


CONTROL DE PISTA CADETE

Conxuntamente ca clasificatoria infantil, se disputou o control cadete e na cal tomaron parte 3 atletas do club.

O máis destacado foi a excelente marca nos 1000 metros lisos de Gael Jaúregi, que lograba un crono de 2.56 e que lle servía para levarse a victoria no mesmo.

Pablo Piñón lograba tamén MMP na proba de salto de altura cunha marca de 1.53, finalizando no posto terceiro. Adrián Lage finalizaba a proba dos 1.500 metros obstáculos cunha marca de 5.28, mentras que Tino Villar facía 3.33 na proba dos 1000 metros lisos

CARREIRA POPULAR DE FERREIRÚA

O pasado domingo 11 se disputou a XXV Carreira Popular de Ferreirúa, e na cal tomaron parte máis de 20 atletas do club, que tiveron unha boa actuación, logrando un total de 8 podiums.

Así, na categoría de 5 a 6 anos, Aldara Ceide lograba victoria. Pola súa parte, David Fariñas e Molly Jane Merchant lograban a terceira posición na proba de 7 a 9 anos, na proba masculina e femenina respectivamente.

No que respecta a categoría de 10 a 11 anos, Samuel Castedo e Andrea Fariñas lograban imporse nas súas respectivas carreiras. Adil Loussini lograba a terceira posición na proba de 12 a 13 anos. Por último, Cristian Montecelo e Rubén Ceide eran segundo e terceiro respectivamente na proba masculina de 14 a 15 anos.

Na proba do medio maratón, Marcos Lage lograba o posto 30 da xeral cun crono de 1.30 h.

CORRE CON NÓS. PARQUE DE FEIRAS E EXPOSICIÓNS. LUGO

O Pasado sábado 10 se disputou unha nova proba do Corre con nós, e na cal houbo unha leve representación de atletas do club. Os resultados foron os seguintes.

Felipe Barata- posto 63
Fernando González- posto 300
Carmen Expósito- posto 92 F
Ana Novo- posto 110 F

Resultados Fin de semana 4 de maio

CROSS AMBIENTAL CONCELLO DE ORDES.

Disputouse o pasado 1 de Maio no Concello de Ordes unha proba denominada Cross Ambiental, e na cal estiveron presentes unha docena de atletas do club, conseguindo un total de catro podiums.

Así, a máis destacada foi a atleta Noelia Sánchez, que lograba a súa primeira victoria nunha proba, o imporse na categoría de 8 a 10 anos. Nesta mesma categoría, a súa compañeira de equipo lograba a cuarta posición.

Xa na categoría de 14 a 16 anos, a atleta Estela Villarábide lograba un meritorio segundo posto, despois dunha carreira onde os integrantes da mesma fixeron o triple do percorrido marcado pola organización. Na proba masculina, Cristian Montecelo tamén lograba a segunda posición, sendo o seu compañeiro Adrián Lage terceiro. Nesta mesma proba, Rubén Ceide lograba a cuarta posición.

Outra atleta, que estivo moi cerca do podium foi Aldara Ceide, que, na categoría de 5 a 7 anos, lograba a cuarta posición

TORNEOS DE ATLETISMO. PONTEVEDRA. CORUÑA

Nesta ponte de Maio se disputaron distintos torneos de atletismo en pista, na cal houbo representación de atletas do club nas distintas probas que se disputaron pola xeografía galega.

O primeiro en porse en acción foi o cadete Gael Jaúregi, que participou na proba dos 1.000 metros cadete no Torneo Supermercados Froiz de Pontevedra, onde lograba unha marca de 3.01 minutos.

Na pistas de Elviña de A Coruña, se disputou o Torneo Nela Souto, organizado polo club Marineda, e no cal tamén houbo representación do noso club. A máis destacada foi María Carballido, que na proba dos 500 metros lisos femeninos lograba a cuarta posición cun crono de 1.32 minutos. A súa compañeira de equipo, Vanesa Blanco remataba no posto 11 na mesma proba, parando o crono en 1.40 minutos. Na proba masculina, Cristian Santos remataba no posto 12 cunha marca de 1.32 minutos. Por último, Felipe Barata tomaba parte na proba de salto de lonxitude, finalizando no posto 14, cunha mellor marca de 5.09 metros.